जनकपुरधाम- प्रदेश २ मा पछिल्लो २४ घण्टामा थप १९९ जनामा कोरोना भाइरसको संक्रमण पुष्टि भएको छ ।
शुक्रबार धनुषामा ५४ जना, पर्सामा ३२ जना, सर्लाहीमा २७ जना, रौतहटमा २४ जना, सप्तरीमा २१ जना, महोत्तरी र बारामा २०-२० जना र सिरहामा १ जनामा कोरोना संक्रमण पुष्टि भएको हो ।
नयाँ संक्रमित फेला परेका १९९ जना मध्ये ४७ जना महिला रहेको स्वास्थ्य निर्देशनालय प्रदेश २ का वरिष्ठ अधिकृत विजय झाले जानकारी दिए । योसँगै प्रदेश २ मा कोरोना संक्रमितको संख्या ६ हजार ६२७ पुगेको छ ।
