काठमाडौं । काठमाडौं महानगरपालिकाले नयाँ बानेश्वरस्थित अल्फाबिटा कम्प्लेक्सले बनाएका अवैध संरचनामा डोजर लगाएर भत्किाइदिएको छ ।

बिहीबार दिउँसो डोजरले अवैध संरचना भत्काउनुअघि मेयर बालेन शाह ‘बालेन्द्र’ले अल्फाबिटा कम्प्लेक्समा पुगेका थिए ।

अल्फाबिटाका मालिक द्विराज शर्माले नक्सा देखाउन अटेर गरेर मेयर शाहसँग बादविवाद गरेका थिए । शाहले शर्माको सातो लिएपछि डराएका थिए ।

शर्मासँग मेयर शाहको भनाभन परेको थियो । शर्माले अवैध भन्नुअघि भवनको नक्सा देखाउनुपर्ने बताएका थिए ।

मेयर शाह ‘तपाईंको घरको नक्सा मसँग हुन्छ’ भन्दै झोक्किएका थिए । शर्मासँग भनाभन भएपछि बालेन सोझै महानगर कार्यालय आएका थिए ।

कार्यालयमा आएर अल्फाबिटाको नक्सा र डोजर लिएर उनी दिउँसो फेरि अल्फाबिटामा पुगेर अबैध संरचना भत्काइदिएका छन् ।

अल्फाबिटामा शाहले उपस्थित पत्रकारहरूलाई नक्सा देखाएमन छन् । त्यसपछि डोजरले अवैध संरचना भत्काइदिएको छ ।

अल्फाबिटाको अवैध संरचनामा डोजर चलाएपछि शाहले फेसबुक स्टाटस लेख्दै आफूले केही नबिराएको बताएका छन् ।

उनले लेखेका छन्, ‘उहाँले आफ्नै नक्सा मलाई माग्नुभयो । मैले अफिस गएर नक्सा र डोजर लिएर गएँ। मैले के बिराएँ ।’

प्रतिक्रिया

सम्बन्धित खवर

ताजा समाचार

लोकप्रिय